1 jylda Qazaqstan halqy 254 myń adamǵa ósti
ASTANA. QazAqparat - 1 jylda Qazaqstan halqy 254 myń adamǵa ósti. Bul týraly QR Statıstıka agenttiginiń tóraǵasy Álıhan Smaıylov málim etti.
«2014 jyldyń 1 mamyrda elimizdegi halyq sany 17244 myń adamdy qurady. Sonyń ishinde qalalyqtardyń úlesi shamaly ósip, 55,1 paıyzǵa, aýyldyqtardyń úlesi 44,9 paıyzǵa jetti», - dedi ol.
Agenttik basshysynyń sózine qaraǵanda, jyldyń basynan beri jalpy elimizdiń halyq sany 0,5 paıyzǵa nemese 84 myń adamǵa ósti.
«Al 12 aıdyń ishinde halyq sany 254 myń adamǵa nemese 1,5 paıyzǵa artty. Qańtar-sáýirde AHAT organdarynda dúnıege kelgen 128 myń bala tirkeldi. Bul ótken jyldyń sáıkes kezeńimen salystyrǵanda 0,3 paıyzǵa kóp», - dedi Á.Smaıylov.
