1 jyl ishinde elimizdegi birqatar azyq-túlik túrleriniń baǵasy arzandady
ASTANA. 1 qazan. QazAqparat - 2012 jylǵy qyrkúıekte ótken jyldyń qyrkúıegimen salystyrǵanda azyq-túlik taýarlarynyń jeke túrlerine baǵa tómendedi,
dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, jarmalar 33,8, qant - 16,4, maı jáne toń maı - 3,8, jemister men kókónister - 2, un 1,9 paıyzǵa arzandady. Al 2011 jylǵy qyrkúıekte olarǵa baǵanyń aıtarlyqtaı ósýi belgilengen bolatyn.
Aǵymdaǵy jylǵy qyrkúıekte baǵanyń ósimi 2011 jylǵy qyrkúıekpen salystyrǵanda nanǵa 2, alkogoldik ishimdikterge - 4, sút ónimderine - 4,3, kondıterlik ónimderge - 5,2, kofe, shaı jáne kakaoǵa - 5,3, toqash jáne unnan daıyndalatyn ónimderge 5,6 paıyzdy qurady. Sıyr eti 18,5, jylqy eti - 17, qoı eti - 16,8, shoshqa eti - 16,7, shujyqtar, etten jasalǵan ónimder 8,2 paıyzǵa qymbattady. «Jalpy atalǵan kezeńde azyq-túlik taýarlaryna baǵa 4,4 paıyzǵa ósti», - delingen vedomstvo aqparatynda.
