1 jyldyń ishinde Ulttyq qordyń aqshasy eki ret ortaıyp, qaıta ósti
ASTANA. KAZINFORM – 2025 jyldyń basynan beri Ulttyq qordyń aktıvteri eki ret aıtarlyqtaı azaıyp, qaıta tolysqan. Bul týraly Ulttyq banktiń monetarlyq sholýynda aıtylǵan.
Resmı derekke súıensek, 2024 jyldyń jeltoqsanynda Ulttyq qor aktıvteri 30,9 trln teńge bolyp turǵan. 2025 jyldyń basynda qor azaıa bastady: qańtarda – 30,3 trln, aqpanda – 29,4 trln, naýryzda – 29,2 trln teńge. Osylaısha Ulttyq qor aktıvi úsh aıdyń ishinde shamamen 1,7 trln teńge kemigen.
Sáýirde kórsetkish 29,7 trln, mamyrda 30,5 trln, maýsymda 31,3 trln, shildede 32,7 trln, tamyzda 33,3 trln teńgege jetti. Qyrkúıekte qor 34,4 trln teńgege deıin ósip, osy kezeńdegi eń joǵary deńgeıge shyqty. Naýryzdaǵy eń tómen núktemen salystyrǵanda ósim 5,2 trln teńge bolyp shyqty. Alaıda kúz ortasynda qaıta tómendeý baıqaldy. Qazanda 33,6 trln, qarashada 32,6 trln, jeltoqsanda 32,3 trln teńge boldy. ıAǵnı úsh aıda qor taǵy da shamamen 2,1 trln teńgege ortaıǵan.
2026 jyldyń basynda úshinshi ózgeris tirkeldi. Qańtarda aktıvter 32,5 trln, aqpanda 32,6 trln teńgege jetti. Ósim bar, biraq kólemi shaǵyn – shamamen 0,1 trln teńge.
Osylaısha bir jyldyń ishinde Ulttyq qor úsh ret birdeı stsenarııden ótti: aldymen azaıdy, keıin qalpyna keldi, qaıtadan tómendedi jáne taǵy da ósim kórsetti.
Sońǵy derek boıynsha, tek bir aıdyń ishinde qor 112 mlrd teńgege ulǵaıǵan. ıAǵnı, aqpanda Ulttyq qor 100 mlrd teńgeden astam qarajatpen tolyqty.
Buǵan deıin aqpanda Ulttyq qordan 400 mln AQSh dollary kóleminde valıýta satylǵanyn jazǵan edik.
