1 jeltoqsannan bastap Túrkistanǵa ushaq qatynaıdy
TÚRKІSTAN. QazAqparat – Túrkistan qalasyn damytý maqsatynda bıylǵy memlekettik jylǵy bıýdjetten 161 nysannyń qurylysyna 124,2 mlrd teńge baǵyttalǵan.
Túrkistan oblysynyń ákimi Ómirzaq Shókeevtiń aıtýynsha, qurylys alańyna aınalǵan kóne shahardyń ákimshilik-iskerlik ortalyǵynda 14 nysannyń qurylys jumystary aıaqtalǵan, dep habarlaıdy QazAqparat tilshisi.
«Bul eń aldymen halqymyzdyń turmys-jaǵdaıyn odan ári jaqsartyp, oblystyń ekonomıkalyq qýatyn arttyrary sózsiz. Bizdiń maqsat – Memleket basshysynyń Joldaýynda kórsetilgen ártaraptandyrylǵan jáne tehnologııalyq damyǵan ekonomıkany qurý bolmaq. Qazirgi tańda ákimshilik-iskerlik ortalyǵynda salynyp jatqan áleýmettik nysandar men turǵyn úılerge 53 shaqyrym ınjenerlik ınfraqurylym tartylýda. Al, rýhanı-mádenı ortalyǵynda 10 nysannyń qurylys jumystary júrgizilip, onyń ishinde 6 nysan paıdalanýǵa berilgen», -dedi oblys ákimi Ómirzaq Estaıuly.
Aıta keteıik, qalada Tuńǵysh Prezıdent saıabaǵy, N.Nazarbaev alleıasy (Arbat), Q.A.ıAsaýı men Rábııa Sultan Begim kesenelerin qalpyna keltirý, Áziret Sultan qoryq murajaıynyń aýmaǵyn abattandyrý, Kúltóbe kóne qonysynyń tarıhı oryndaryn qalpyna keltirý, Respýblıkamyzdaǵy alǵash «Halyqaralyq týrızm jáne meımandostyq ýnıversıteti», jelilik saıabaq, dendrosaıabaq jáne jeke salymshylar tarapynan «Kerýen - Saraı» kesheni, 3 halyqaralyq standartqa saı qonaq úı, meshit syndy iri jobalardyń qurylystary qarqyndy júrip jatyr.
«Óńirdiń áleýeti men týrızm salasyn kóteretin birden-bir iri memlekettik-jeke áriptestik aıasynda júrgizilip jatqan Túrkistan qalasynyń halyqaralyq áýejaıynyń qurylysyn atap ótýge bolady. Atalǵan joba 2019 jyldyń shilde aıynda bastalyp, aǵymdaǵy jyldyń qyrkúıek aıynda tehnıkalyq bóligi iske qosyldy. 2020 jyldyń 1 jeltoqsanynan bastap Almaty jáne Nur-Sultan qalalarynan Túrkistan qalasyna áýe reısteri ushýdy bastaıdy. Budan bólek, ákimshilik iskerlik ortalyǵynda jalpy aýdany 773,6 myń sharshy metr nemese 9 052 páterdi quraıtyn 177 kóp qabatty turǵyn úıdiń qurylysy júrip jatyr. Jyl qorytyndysy boıynsha 40 úıdiń qurylysy aıaqtalyp, 1 822 páter paıdalanýǵa beriledi», - dedi Ómirzaq Shókeev.
