1 jeltoqsanda Tarazda «Sergek» kameralary jumys isteı bastaıdy
«Jambyl oblysynyń ortalyǵynda bıyl 1 jeltoqsannan bastap qoǵamdyq jáne jol qaýipsizdigin qamtamasyz etetin «Sergek» júıesi iske qosylady. Taraz qalasynda joba boıynsha 1 250 jalpy baqylaý kamerasyn ornatý qarastyrylǵan. 48 apparattyq-baǵdarlamalyq keshen qalanyń jol qozǵalysy qaýipsizdigin qamtamasyz etedi.
Jyldamdyqty asyrý, baǵdarshamnyń tyıym salynǵan belgisine ótip ketý, joldaǵy qozǵalysty retteıtin jolaqtardy buzý – júıege tirkeletin bolady. Jol erejesin buzýdy tirkeý avtomatty rejımde júzege asady. Tólengen aıyppul qala bıýdjetine baǵyttalady. Uıǵarymdardy erap-public.kgp.kz, egov.kz saıttarynan ETsQ arqyly avtorızatsııadan ótip, júktep alýǵa bolady. Sonymen qosa «Kaspi» mobıldik qosymshasyndaǵy memlekettik qyzmetter bólimshesinen de tabý múmkindigi bar», - dep málim etti jergilikti quzyrly organnyń baspasóz qyzmetinen.
Ákimdik dereginshe, barlyq ereje buzý jaǵdaılary birden Bas prokýratýranyń Quqyqtyq statıstıka jáne arnaıy tirkeý komıtetiniń ákimshilik ister boıynsha biryńǵaı reestrine túsedi.