11:06, 27 Qarasha 2015 | GMT +6
1 jeltoqsanda N.Nazarbaev Astanadaǵy Áskerı-tarıhı murajaıdy ashady
ASTANA. QazAqparat - Aqordanyń baspasóz qyzmeti Memleket basshysy Nursultan Nazarbaevtyń qatysýmen ótetin aldaǵy is-sharalar ańdatpasyn jarııalady.
30 qarashada Nursultan Nazarbaev Qazaqstan halqyna jyl saıynǵy Joldaýyn jarııalaıdy.
Elbasy 1 jeltoqsanda Astana qalasynda Áskerı-tarıhı murajaıdyń ashylý rásimine, sondaı-aq Qazaqstan Respýblıkasynyń Tuńǵysh Prezıdenti kúnine arnalǵan saltanatty sharalarǵa qatysady.
Memleket basshysy 2 jeltoqsanda elimizge resmı saparmen keletin Nıderland Koroldiginiń Premer-mınıstri Mark Rıýttemen kezdesedi. Kezdesý barysynda ekijaqty yntymaqtastyqty, sondaı-aq halyqaralyq kún tártibindegi máselelerdi talqylaý josparlanǵan.
