1 jeltoqsan kúni Aqtaýda 2017 jylǵy urpaqqa arnalǵan kapsýla ashylady
AQTAÝ. QazAqparat - QR Tuńǵysh Prezıdenti kúnine oraılastyrylǵan merekelik is-sharalar aıasynda Aqtaýda osydan 50 jyl buryn jer astyna qaldyrylǵan «ýaqyt kapsýlasyn» shyǵarý saltanaty ótedi. Bul týraly «QazAqparat» HAA tilshisine Aqtaý qalalyq mádenıet jáne tilderdi damytý bóliminiń basshysy Gúljazıra Aldasheva habarlady. Onyń aıtýynsha, qazir daıyndyq jumystary júrgizilýde. Ol úshin arnaıy uıymdastyrý komıteti quryldy.
«Ýaqyt kapsýlasyn» Mańǵyshlaqty alǵash ashqandar 1967 jyldyń 7 qarashasy kúni «2017 jylǵy urpaqtar úshin» dep jazyp ornatqan.
«Saltanatty sharada keleńsiz jaǵdaı bolmas úshin jerde uzaq ýaqyt jatqan kapsýla ashý úshin aldyn ala daıyndalady. Buǵan muqııat ázirlený qajet», - dep túsindirdi Gúljazıra Aldasheva.
Aqtaý qalalyq mádenıet jáne tilderdi damytý bólimi basshysynyń aıtýynsha, Mańǵyshlaqty alǵash ashqandardyń joldaýy keıin oblystyq tarıhı-ólketaný murajaıyna tapsyrylady.
