1 jastaǵy balasyn qańǵyrtyp jibergen áıel analyq quqyǵynan aıyrylýy múmkin
ALMATY. QazAqparat - Almatyda 1 jastaǵy balasyn qańǵyrtyp jibergen áıel analyq quqyǵynan aıyrylýy múmkin. Bul týraly QazAqparat tilshisine qalalyq ІІD resmı ókili Saltanat Ázirbek málim etti.
Onyń aıtýynsha, Reseı Federatsııasynyń azamatshasy mas kúıinde 1 jastaǵy balasyn kóshede tastap ketip qalǵan.
«Ózinen suraǵan kezde Almaty oblysyndaǵy sharýa qojalyqtarynyń birinde jumysqa turmaqshy boldym dep túsindirdi. Qazir kelinshek QR QK 119-baby boıynsha (qaýip-qaterde qaldyrý) qylmystyq jaýapkershilikke tartylyp jatyr. Bultartpaý sharasy týraly sheshim qabyldanady. Sonymen qatar, qosymsha ony analyq quqyǵynan aıyrý máselesi de kóteriletin bolady. Óıtkeni, ondaı adam balaǵa durys ana bola almaıdy», - dedi Saltanat Ázirbek.
Aıta ketý kerek, 1 jastaǵy búldirshinniń №2 qalalyq aýrýhananyń gematologııa bólimshesinde jatqanyna 2 aptadan asty.
Qarny ashyp, qatty tońǵan balany polıtsııa qyzmetkerleri 8 qazanda keshki 21:30-da Spasskaıa kóshesinen taýyp alǵan. Osy ýaqytqa deıin anasy izdep kelmegen.
Aýrýhana qyzmetkerleriniń aıtýynsha, balanyń densaýlyǵynda aqaý joq.
