1 jasqa deıingi shetinegen náresteler sany 2,6 paıyzǵa azaıdy
ASTANA. 15 qazan. QazAqparat - Bıylǵy qańtar-tamyzda AHAT organdarynda 257,8 myń jańa týylǵan náresteler tirkeldi. Bul týraly búgin QR Statıstıka agenttigindegi brıfıngte atalǵan vedomstvonyń basshysy Álıhan Smaıylov málim etti.
«Aǵymdaǵy jyldyń qańtar-tamyzynda AHAT organdarynda 257,8 myń jańa týylǵandar tirkeldi. Bul kórsetkish 2011 jyldyń sáıkes kezeńine qaraǵanda 3,8 paıyzǵa artyq»,-dedi Á. Smaıylov.
1 myń adamǵa shaqqandaǵy týýdyń jalpy koeffıtsenti 23 týǵan nárestelerdi quraıdy. Sonymen qatar vedomstvo basshysy bıylǵy qańtar-tamyz aılaryndaǵy ólim-jitim sany 97,4 myń adamdy quraǵanyn, bul kórsetkish ótken jyldyń sáıkes kezeńine qaraǵanda 1,5 paıyzǵa tómen ekenin atap ótti.
Aıta keteıik, 2012 jylǵy qańtar-tamyzda respýblıkada 1 jasqa deıingi 3644 náreste ólimi tirkeldi. 2011 jylǵy qańtar-tamyzben salystyrǵanda 1 jasqa deıingi shetinegen náresteler sany 2,6 paıyzǵa azaıdy.
