1 jasar balany qaǵyp ketken júrgizýshi 20 táýlikke qamaldy
ALMATY. QazAqparat – Almatyda 1 jasar bala men er adamdy qaǵyp ketken júrgizýshi ustaldy, dep habarlaıdy QazAqparat tilshisi.
Qazir Bostandyq aýdany polıtsııa qyzmetkerleri eki adamdy qaǵyp ketken mas júrgizýshige qatysty tergeý amaldaryn júrgizip jatyr.
Qazir osy iske baılanysty sot-medıtsınalyq, taǵy da basqa saraptamalar taǵaıyndaldy.
Іs materıaldaryna sáıkes, júrgizýshi mas bolǵan. Mas kúıinde kólik tizgindegeni úshin ol 8 jylǵa kólik júrgizý kýáliginen aıryldy.
Odan bólek, Almaty aýdanaralyq sotynyń sheshimimen avtokólik ıesi 20 táýlikke qamaldy. Bul - tek mas kúıinde kólik basqarǵany úshin taǵaıyndalǵan jaza.
Oqys oqıǵa búgin Vahtangov 2A kóshesinde bolǵan edi. Mas júrgizýshi er adam men 1 jastaǵy balany qaǵyp, qashyp ketken.
