1 toqsanda munaı jáne gaz kondensatyn óndirý 2 paıyzǵa artty - QazMunaıGaz
ASTANA. 11 mamyr. QazAqparat - 1 toqsanda munaı jáne gaz kondensatyn óndirýdiń shoǵyrlandyrylǵan kólemi 5,4 mln. tonnany qurady, bul 2010 jyldyń osy merzimindegi kórsetkishinen 2 paıyzǵa artyq, dep habarlaıdy «QazMunaıGaz» ulttyq kompanııasynyń baspasóz qyzmeti.
«Jedel alynǵan málimetterge qaraǵanda, esepti kezeńde munaı jáne gaz kondensatyn óndirýdiń shoǵyrlandyrylǵan kólemi 5,4 mln. tonnany qurady, bul 2010 jyldyń osy merzimindegi kórsetkishten 2 paıyzǵa artyq», - delingen taratylǵan aqparatta.
Sonymen qatar, Munaıdy magıstraldy qubyr jelileri arqyly tasymaldaý 16,4 mln. tonnany qurady. Munaıdy teńiz flotymen tasymaldaý 11 paıyzǵa ósip, kólemi 2 mln. tonnaǵa jetti. Munaıdy magıstraldi qubyrlarmen tasymaldaýdaǵy júk aınalymy 10,8 mlrd. tonna-kılometrdi qurady, bul 2010 jyldyń osy merzimimen salystyrǵanda 9 paıyzǵa artyq.
Esepti kezeńde 25,5 mlrd. tekshe metrden astam gaz tasymaldandy, bul 2010 jyldyń 1 toqsanymen salystyrǵanda 1 paıyzǵa artyq.
2011 jyldyń qańtar-naýryz aılarynda QMG UK kompanııalary tobynda (The Rompetrol Group-ty qosa eseptegende) 3,6 mln. tonna munaı óńdeldi.
