1 tamyzǵa deıin 317 balabaqsha meńgerýshisi men 383 mektep dırektory aýysady
«Bilim jáne ǵylym mınıstriniń 2021 jylǵy №559 buıryǵymen bekitilgen «Memlekettik bilim berý uıymdarynyń birinshi basshylaryn rotatsııalaýdy júrgizý» qaǵıdasynda rotatsııany júrgizý merzimi men tártibi aıqyndalǵan. Birinshi basshynyń bir bilim berý uıymynda atqaratyn laýazymynda bolýynyń ruqsat etilgen eń uzaq merzimi 7 jyldan aspaıdy. Atqaratyn laýazymynda 7 jáne odan da kóp jyl bolǵan birinshi basshylar rotatsııalaýǵa jatady. Rotatsııalaý boıynsha sheshimdi quramyna oblystardyń, respýblıkalyq mańyzy bar qalalardyń jáne astananyń bilim basqarmalarynyń, aýdandyq bilim bólimderiniń, ádistemelik kabınetterdiń, bilim berý salasyndaǵy BAQ-tyń, qoǵamdyq birlestikterdiń ókilderi kiretin komıssııa qabyldaıdy», - dedi ol mınıstrliktiń apparat jınalysynda.
Komıtet tóraǵasy orynbasarynyń dereginshe, búginde respýblıka boıynsha memlekettik balabaqshalarda 3 019 meńgerýshi jumys isteıdi. Onyń ishinde 639-ynyń eńbek ótili 7 jyldan asyp ketken. Al memlekettik mektepterdegi 6 299 birinshi basshynyń, 1 246-sy 7 jyldan astam ýaqyt boıy dırektor bolyp keledi.
«Óńirler usynǵan aqparatqa sáıkes, 2022 jyldyń ótken kezeńinde 322 balabaqsha meńgerýshisi rotatsııalandy. Bul rotatsııaǵa jatatyn balabaqsha meńgerýshileriniń 50 paıyzyn quraıdy. Osy jyldyń 1 tamyzyna deıin 317 balabaqsha meńgerýshisin rotatsııalaý josparlanǵan. 2022 jyldyń ótken kezeńinde 1 246 mektep dırektorynyń 229-y rotatsııalandy. Bul rotatsııalanýy tıis mektep dırektorlarynyń 24 paıyzyn quraıdy. Osy jyldyń 1 tamyzyna deıin 383 mektep dırektoryn rotatsııalaý kózdelip otyr. Qazirgi tańda Pavlodar jáne Soltústik Qazaqstan oblystarynda birinshi basshylardy rotatsııalaný qarqyny baıqalady. ıAǵnı, maýsym aıynyń sońyna deıin atalǵan oblystarda birde-bir basshy rotatsııalanbaǵan edi. Búgingi tańda Pavlodar oblysynpd 55, Soltústik Qazaqstan oblysyna 20 birinshi basshy rotatsııalandy», - dedi Jomart Qarambaev.
