1 tamyzǵa arnalǵan aýa raıy boljamy
NUR-SULTAN. QazAqparat - Sınoptıkter 1 tamyz kúni elimizde aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan aýmaǵynyń basym bóligi antıtsıklon yqpalynda bolǵandyqtan kún ashyq bolady. Tek elimizdiń ońtústigi jáne batysynda kún kúrkirep, jaýyn-shashyn túsedi. Ońtústik-shyǵysta jáne batysta burshaq jaýýy yqtımal.
Respýblıkanyń keı jerlerinde jel kúsheıip, batysta jáne soltústik-batysta shańdy daýyl soǵady. Soltústik-shyǵysta túnde tuman túsedi.
Túrkistan, Qyzylorda oblystarynyń keı jerlerinde naızaǵaı jarqyldap, daýyl bolady, jel ekpini - 15-20 m/s.
Atyraý oblysynda, kúndiz Mańǵystaý, Aqtóbe oblystarynda jel jyldamdyǵy - 15-20 m/s. Shańdy daýyl turady.
Jambyl oblysynyń keı jerlerinde naızaǵaı oınap, burshaq jaýýy múmkin.
Batys Qazaqstan oblysynda kúndiz naızaǵaı jarqyldap, burshaq jaýady. Jel qarqyny - 15-20 m/s.
Kúndiz Almaty, Qaraǵandy oblystarynda jel 15-20 m/s deıin kúsheıedi, Almaty oblysynda kún kúrkireıdi.
Pavlodar oblysynyń keı jerlerinde túnde tuman túsedi.
Kúndiz Atyraý, Aqtóbe, Qostanaı, Batys Qazaqstan oblystarynda aptap ystyq bolady.
Atyraý, Qyzylorda oblystary, Aqtóbe, Túrkistan, Almaty oblystarynyń basym bóliginde, Batys Qazaqstan, Jambyl, Qaraǵandy oblystarynyń keı jerlerinde tótenshe órt qaýpi saqtalady.
