1 tamyzdan astyq eksportynyń kóliktik shyǵyndaryn sýbsıdııalaý toqtatylady

Bul týraly búgin Úkimettiń selektorlyq rejimdegi otyrysynda QR Aýyl sharýashylyǵy mınıstri Asyljan Mamytbekov málim etti.

Onyń atap ótýinshe, ekonomıkalyq qısynsyzdyǵyna baılanysty 1 tamyzdan bastap astyq eksportynyń kóliktik shyǵyndaryn sýbsıdııalaý toqtatylady. Buǵan deıin 1 tonna astyqty tasymaldaýǵa 4 myń teńge kóleminde sýbsıdııa berilip kelgen edi.

Jalpy, mınıstrdiń sózine qaraǵanda, 2011-2012 marketıng jylynda Qazaqstan astyqqa shaqqandaǵy undy qosa eseptegende 12,2 mln tonna bıdaıdy eksportqa jóneltti. Bul 2010-2012 marketıng jylyndaǵy kórsetkishten 2,2 ese artyq. Ortasha aılyq astyq jóneltý 1 mln. tonnany qurady.