1 tamyzdaǵy jaǵdaı boıynsha 2,5 myń AÓK sýbektisi qarjylandyryldy
ASTANA. QazAqparat - 2016 jylǵy 1 tamyzdaǵy jaǵdaı boıynsha fermeler jalpy somasy 58,6 mlrd. teńgege qarjylandyryldy. Bul týraly búgin Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti.
«Egin jınaý jumystaryn uıymdasqan túrde júrgizý úshin aýyl sharýashylyǵy taýaryn óndirýshilerdi bıýdjet qarajaty jáne «QazAgro» Ulttyq holdınginiń qarjy ınstıtýttarynyń qarajaty esebinen qarjylandyrý boıynsha sharalar qabyldandy. Jalpy alǵanda, aǵymdaǵy jyly kóktemgi dala jáne egin jınaý jumystaryn qarjylandyrýǵa «QazAgro» Holdıngi bıýdjettik kredıt qarjysynan 60,0 mlrd. teńge baǵyttady»,-dedi Q. Aıtýǵanov.
Bul turǵyda «Agrarlyq nesıe korporatsııasy» AQ arqyly - 36,0 mlrd.teńge, «Azyq-túlik korporatsııasy» UQ» AQ arqyly - 15,4 mlrd. teńge jáne ekinshi deńgeıdegi bankter arqyly 8,6 mlrd. teńge baǵyttaldy.
Atap aıtqanda, 2016 jylǵy 1 tamyzdaǵy jaǵdaı boıynsha jalpy somasy 58,6 mlrd. teńgeni jáne jalpy egistik alańy 5,1 mln. gektardy quraǵan 1835 ótinim - 2567 AÓK sýbektisi qarjylandyryldy.
Mınıstrlik málimetinshe, 2016 jyly barlyq aýyl sharýashylyǵy daqyldarynyń egis alańy 21,7 mln. gektardy qurady, onyń ishinde dándi daqyldar - 15,2 mln. gektardy, bıdaı - 12,2 mln. gektardy quraıdy. Maıly daqyldar 1,9 mln. gektar, jemshóptik daqyldar - 4,0 mln. gektar, maqta - 109,3 myń gektar, qant qyzylshasy - 12,1 myń gektar, kartop pen kókónis baqsha daqyldary - tıisinshe 183,7 jáne 230,0 myń gektar alqapta ornalastyryldy.
Bul rette, 2015 jylmen salystyrǵanda bıdaıdyń alańy 441,4 myń gektarǵa, dándi-burshaqty daqyldar alańy 26,3 myń gektarǵa, maqta alańy 10,1 myń gektarǵa, qant qyzylshasy 2,7 myń gektarǵa ulǵaıdy.
