19:41, 29 Shilde 2023 | GMT +5
1 tamyzda «Sıan-Almaty» dostyq velosherýi bastalady
BEIJІŃ. QazAqparat - «Sıan-Almaty» dostyq velosherýi 1 tamyzda Sıan qalasynda bastalady. Bul qala ejelde Chanan dep atalǵan jáne Uly Jibek jolynyń bastapqy núktesi bolǵan, dep habarlaıdy QazAqparat menshikti tilshisi.
QHR aýmaǵy boıynsha kóne Jibek joly baǵytymen velojarysqa Qytaıdan 30 velosıpedshi qatysady. Al Qazaqstan aýmaǵynda olarǵa otandyq sportshylar qosylady.
«Sıan-Almaty» dostyq velosherýine qatysýshylar 4 myń shaqyrym qashyqtyqty eńseredi. Velotýr Almatyda 2023 jyldyń 7 qyrkúıeginde aıaqtalady.
Shara Qazaqstan men Qytaı halyqtary arasyndaǵy dostyqty nyǵaıtýǵa, QR men QHR arasyndaǵy dıplomatııalyq qatynastyń ornaǵanyna 30 jyl tolýyna jáne ekijaqty yntymaqtastyq tarıhynyń sapaly jańa kezeńge ótýine arnalǵan, sondaı-aq salaýatty ómir salty men velosıped sportyn nasıhattaýdy kózdeıdi.