1 tamyz kúni Qazaqstanda shań kóterilip, daýyl turady dep kútilýde - aýa raıy boljamy
ASTANA. 31 shilde. QazAqparat - Qazaqstannyń basym bóliginde atmosferalyq aǵyndardyń ótýine baılanysty 1 tamyzda aýa raıy turaqsyz bolady dep kútilýde, keı jerlerde naızaǵaı jarqyldap, jańbyr jaýady, jel kúsheıedi, tek respýblıkanyń shyǵysy men ońtústik-shyǵysynda aýa raıy jaýyn-shashynsyz bolady. Bul týraly Qazgıdrometke silteme jasap, QR TJM baspasóz qyzmetinen habarlaıdy.
Aqmola, Jambyl, Ońtústik Qazaqstan, Qyzylorda, Aqtóbe, Qostanaı, Soltústik Qazaqstan, Qaraǵandy, Atyraý oblystarynda, kúndiz Batys Qazaqstan oblysynda keı jerlerde jeldiń 15-20 m/s-qa kúsheıýi kútilýde, Batys Qazaqstan jáne Atyraý oblystarynda shań kóterilip, daýyl turady.
Almaty, Jambyl oblystarynda, Ońtústik Qazaqstannyń keı jerlerinde, Qaraǵandy oblystarynda kúndiz qatty ystyq saqtalady.
Respýblıkanyń batysynda, ońtústiginde, ortalyǵynda jáne ońtústik-shyǵysynda keı jerlerde tótenshe joǵary órt qaýpi saqtalady.
Jaqyn táýlikterde respýblıkanyń ońtústik-shyǵysy jáne shyǵysynyń taýly ózenderinde sý deńgeıiniń kóterilýi yqtımal. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
