1 tamyzdan bastap Qazaqstanda temeki qymbattady
ASTANA. KAZINFORM – 1 tamyzdan bastap Qazaqstanda temeki ónimderiniń eń tómengi bólshek saýda baǵasy ósti.
Qarjy mınıstriniń 2026 jylǵy 22 shildedegi buıryǵymen súzgili jáne súzgisiz temekige, papırosqa, sıgarıllaǵa, sondaı-aq qyzdyrylatyn temeki ónimderine belgilenetin eń tómengi bólshek saýda baǵasyna ózgerister engizildi.
Qujatqa sáıkes, 2026 jylǵy 1 tamyz ben 31 jeltoqsan aralyǵynda súzgili jáne súzgisiz 20 tal temekiniń, papırostyń, sıgarıllanyń jáne qyzdyrylatyn temeki ónimderiniń eń tómengi bólshek saýda baǵasy 1060 teńge bolyp belgilendi. Buǵan deıin, 2026 jylǵy 1 qańtardan bastap bul kórsetkish 970 teńge bolǵan.
Sondaı-aq qujatta 2027 jylǵy 1 qańtardan bastap atalǵan ónimderdiń bir qorabynyń eń tómengi bólshek saýda baǵasy 1120 teńgege deıin kóteriletini kózdelgen.
Buǵan deıin Qazaqstanda temeki baǵasy ósýi múmkin ekenin jazdyq.
