1-synypqa baratyn balalardyń 70 %-dan astamy qazaq tilinde oqýdy tańdaǵan

NUR-SULTAN. QazAqparat - Eki aıdyń ishinde balalardy 1-synypqa qabyldaýǵa 250 myńnan astam ótinish tústi. Onyń ishinde balalardyń 70,5 %-y memlekettik tilde oqýdy tańdaǵan, dep habarlaıdy QazAqparat Bilim jáne ǵylym mınıstrligine silteme jasap.

Birinshi synypqa ótinishterdi qabyldaý 2022 jylǵy 1 sáýirde bastalyp, 1 tamyzǵa deıin jalǵasady. Azamattarǵa yńǵaıly bolý úshin qyzmet avtomattandyryldy. Qujattardy qabyldaý egov.kz portaly arqyly júrgizilip jatyr. Sondaı-aq ata-analardyń ótinishi boıynsha qujattardy dástúrli qaǵaz formatynda da tapsyrýǵa bolady.

«Qujattardy qabyldaý shtattyq rejımde júrip jatyr. Osy rette qujattardy tapsyrýda ata-analardyń belsendiligin baıqaýǵa bolady. Bıyl memlekettik tilde bilim alǵysy keletin 1-synyp balalary kóbeıdi. Qazaq tilinde oqıtyn synyptarǵa qabyldaýdyń eń joǵary kórsetkishi Mańǵystaý (91%), Qyzylorda (91,5%), Jambyl (82,2%) jáne Atyraý (80,1%) oblystarynda tirkeldi», - dedi Mektepke deıingi jáne orta bilim komıtetiniń tóraǵasy Gúlmıra Kárimova.

Jańa oqý jylynda 1-synypqa barlyǵy 400 myńnan astam qazaqstandyq bala barady dep kútilip otyr.