1-synyp oqýshylaryna týberkýlezge qarsy revaktsınatsııa bastaldy
ALMATY. QazAqparat –Almatyda 1-synyp oqýshylaryna týberkýlezge qarsy revaktsınatsııa jáne «táýekel tobyndaǵy» balalar arasynda týberkýlezdi erte anyqtaý sharalardy kúsheıtý naýqany bastaldy, dep habarlaıdy QazAqparat tilshisi.
2020 jyldyń 1 qyrkúıek pen 30 qyrkúıek aralyǵynda birinshi synyp oqýshylary arasynda týberkýlezge qarsy revaktsınatsııa júrgiziledi. Protsedýra balalardy oqytý nysanyna qaramastan, qashyqtan nemese kúndizgi ýaqytta mektepterdiń egý kabınetterinde júrgiziledi. Mundaı tájirıbe karantındik sharalar engizilgenge deıin qoldanyldy.
1 qyrkúıekke deıin ýchaskelik dárigerler mantý synamasy boıynsha tekseriletin 1-synyp oqýshylarynyń tizimin jasady. 4 qyrkúıekte ata-analar men balalardy mektepke mantý synamasyna jáne BTsJ revaktsınatsııasyna shaqyra bastady. Árbir bilim berý mekemesinde 4-ten 8-ge deıin birinshi synyptar bolǵandyqtan, oqýshylar kóp jınalmas ýaqyt aralyqtary men fızıkalyq qashyqtyqty saqtaı otyryp, kestege sáıkes shaqyrylady.
«№11 Qalalyq emhana Jetisý aýdanynyń 6 mektebine qyzmet kórsetedi, olardyń árqaısysynda bizdiń áriptester tańǵy saǵat 9.00-den bastap jumys isteıdi. Barlyq synyptarda sabaq kestesi ártúrli bolǵandyqtan, sol sabaq kestesine baılanysty quryldy jáne oqýshylardyń basym kópshiligi qashyqtyqtan oqıdy. 6 mektep boıynsha 800-ge jýyq 1-synyp oqýshylaryn qamtýdy josparlap otyrmyz.
Bıyl ata-analar arasyndaǵy joǵary belsendilikti atap ótkimiz keledi. Koronavırýstyq ınfektsııa boıynsha epıdemıologııalyq jaǵdaıǵa baılanysty bas tartýdyń birneshe jaǵdaılary da kezdesti» – dedi №11 Qalalyq emhananyń bas dárigerdiń emdeý-profılaktıkalyq jumystar jónindegi orynbasary Almash Ardabaeva.
Protsedýra ata-analardyń erikti túrde kelisim berilgennen keıin júzege asyrylady.
Mantý synamasy men BTsJ revaktsınatsııasy arasyndaǵy aralyq 3 kúnnen 14 kúnge deıin bolady.
Týberkýlezge qarsy revaktsınatsııa naýqanyna jumys tájirıbesi bar bilikti mamandar tartylǵan. Mektepter men emhanalardyń medıtsına qyzmetkerleri mantý synamasyn qoıý tehnıkasynyń erejeleri, týberkýlezge qarsy egýler júrgizý, ımmýndaýdan keıin qolaısyz kórinisterdiń damýy jaǵdaıynda shuǵyl kómek kórsetý ádisteri boıynsha aldyn ala daıyndyqtan ótti.
BTsJ revaktsınatsııasyn júrgizý kezeńinde 1-synyp oqýshylaryna mektepterde basqa ekpeler júrgizý toqtatylady.
2020 jyldyń 25 jeltoqsanyna deıin mantý synamasynyń teris nátıjesi kezinde BTsJ revaktsınatsııasyn júrgize otyryp, kúmándi reaktsııasy bar 1-synyp oqýshylarynyń mantý synamasy boıynsha qaıta (3 aıdan keıin) tekserýden ótedi.
