1 shildeden kassatsııalyq sottar jumys isteı bastaıdy

ASTANA. KAZINFORM – Kassatsııalyq qadaǵalaýdy jetildirý - sot reformasynyń negizgi aspektileriniń biri. Bul týraly Joǵarǵy sot tóraǵasy Aslambek Merǵalıev málim etti.

- Bul ádilettilik jáne zań ústemdigi qaǵıdattarynyń tolyq oryndalýyna yqpal etedi. Reformanyń paıdaly sıpatyn eskere otyryp, osy jyldyń 1 shildesinen bastap Astanada jańa kassatsııalyq sottar jumys isteı bastaıdy, - dedi Joǵarǵy sot tóraǵasy elordada ótken «Júrgizilgen sot reformasynyń ózekti máseleleri» taqyrybyndaǵy dóńgelek ústel barysynda.

Onyń aıtýynsha, kassatsııalyq qadaǵalaý tártibi standarttalǵan. Shaǵymdardy aldyn ala qaraý júrgizilmeıdi. Azamattardyń kassatsııalyq sotqa tikeleı júginý múmkindigi bolady.

- Barlyq shaǵym shaqyrylǵan taraptardyń qatysýymen sot otyrysynda alqaly túrde qaralady. Qylmystyq jáne azamattyq isterdi kassatsııalyq satydaǵy sotta qaraý úshin Ákimshilik rásimdik-protsestik kodekske uqsas, aqylǵa qonymdy, biraq alty aıdan aspaıtyn merzim belgilendi. Joǵarǵy Sottaǵy ister Joǵarǵy Sot sýdıasynyń usynýy nemese Bas Prokýrordyń narazylyǵy boıynsha erekshe jaǵdaılarda qaralatyn bolady, - dedi Aslambek Merǵalıev.

Buǵan deıin elimizde kassatsııalyq sottar qurylatynyn jazǵan edik.