1 shildeden bastap jańa Konstıtýtsııa kúshine enedi
ASTANA. KAZINFORM — 30 sáýirge deıin konstıtýtsııalyq zań jobasy Prezıdentke usynylmaq. Osyǵan oraı zań ǵylymdarynyń doktory Jamaladın Ibragımov Ata zańǵa engiziletin negizgi ózgeristerdi tarqatty.
— Konstıtýtsııanyń oryndalýyn qadaǵalaý Prezıdent Ákimshiliginiń Memlekettik quqyq bólimine júkteledi. Sonymen qatar Úkimet, ortalyq jáne jergilikti memlekettik organdar 1 shildege deıin barlyq normatıvtik-quqyqtyq aktilerdi jańa talaptarǵa sáıkestendirýi tıis. Osy jumystar tolyq aıaqtalǵan soń, Konstıtýtsııa 1 shildeden bastap kúshine enedi. Onyń basty ereksheligi — birpalataly parlamenttiń engizilýi. Bul zań shyǵarý protsesin jeńildetip, jedel sheshim qabyldaýǵa múmkindik beredi, — dedi spıker Jibek Joly telearnasynyń «Búgin Live» baǵdarlamasynda.
Instıtýtsıonaldyq ózgerister aıasynda halyqtyń memlekettik basqarýǵa qatysý tetikteri de keńeıe túspek. Ásirese, jańa qurylymdardyń róli artyp, qoǵam men bılik arasyndaǵy baılanys nyǵaıady.
— Ata zańdaǵy ózgeristerdiń biri — Halyq keńesiniń mańyzyn kúsheıtý. Endi ol memlekettik sheshimderge yqpal etetin jańa saıası alańǵa aınalady. Bul — halyq pikirin sheshim qabyldaý úderisine júıeli túrde engizetin tetik, — dedi ol.
Jalpy, jańa Konstıtýtsııanyń mazmuny quqyqtyq júıe qurýǵa negizdelgen.
— Jańa Konstıtýtsııada memlekettiń negizgi mindetteri naqty kórsetilgen. Eń basty prıntsıp — adam quqyǵy. Tsıfrlyq qaýipsizdik máselesi de aldyńǵy qatarǵa shyqty. Bilim, ǵylym, ınnovatsııa salalaryna basymdyq berilip, árbir azamattyń jeke derekteri men quqyqtaryn qorǵaý qarastyrylǵan, — dedi Jamaladın Ibragımov.
Aıta keteıik, Qazaqstanda jańa Konstıtýtsııaǵa baılanysty birqatar zań ázirlenedi.