1 shildede Reseı aýmaǵyna kirý talaptary ózgeredi
ASTANA. KAZINFORM – Qazaqstan azamattaryna Reseı Federatsııasy aýmaǵyna kirý úshin qosymsha talaptar engizildi. Bul týraly Syrtqy ister mınıstrliginiń resmı ókili Erlan Jetibaev málimdedi.
2026 jylǵy 1 shildeden bastap Reseıge eńbek etýge nemese bilim alýǵa baratyn qazaqstandyqtar úshin «Gosuslugi RuID» mobıldi qosymshasyn paıdalaný mindetteledi.
– Belgilengen tártipke sáıkes shetel azamattary atalǵan qosymshada jeke profıl quryp, Reseı Federatsııasyna kirý týraly ótinishti memlekettik shekarany josparlanǵan kesip ótýden keminde 72 saǵat buryn tapsyrýy kerek. Ótinish qaralǵannan keıin qosymshada kirý quqyǵyn rastaıtyn jeke QR-kod qalyptastyrylady. Atalǵan QR-kod ótinish berilgen sátten bastap 90 kún boıy jaramdy bolady, – dedi E. Jetibaev Syrtqy ister mınıstrliginde ótken aptalyq brıfıngte.
Syrtqy ister mınıstrligi el azamattaryna kirý talaptarymen aldyn ala tanysyp, Reseıge saparlaǵanda osy ózgeristerdi eskerýdi suraıdy.
Aıta keteıik, áýe júkterin óńdeý úshin Qazaqstan áýejaılaryna JI engiziledi.
