1 shildeden taksıster men kýrerler salyq tóleýi tıis

ASTANA. QazAqparat – 1 shildeden bastap ınternet-platformalar arqyly jumys isteıtin taksı júrgizýshileri men kýrerler salyq tóleıdi, dep habarlaıdy QazAqparat tilshisi.

Memlekettik kirister komıtetiniń málimetine sáıkes, taksı nemese kýrerlik jetkizý qyzmetin kórsetý kezinde azamat «eSalyq Business» mobıldik qosymshasyn qoldana otyryp, jeke kásipker nemese qandaı da bir kompanııaǵa jaldamaly qyzmetker retinde tirkelýi qajet. Tıisinshe, ol shart jasasý arqyly salyq pen áleýmettik tólemderdi aýdarýǵa mindetteledi.

Keıin platforma operatory qyzmetkerge aılyǵyn tóleý kezinde tıesili salyqtar men áleýmettik tólemderdi ustap qalady. Artynsha, bul málimetter avtomatty túrde Memlekettik kirister komıtetine beriledi.

Bul talaptar burynnan bar, degenmen túrli sebepterge baılanysty ony kóp adam oryndamaı keledi. Sebebi 1 paıyzdyq stavkamen tabys salyǵyn jáne áleýmettik tólemderdi (zeınetaqy jarnalary, áleýmettik aýdarymdar jáne medıtsınalyq saqtandyrý) óteý qajet.

Bastapqy kezeńde atalǵan pılottyq jobaǵa «Yandex» ınternet-platformasynda tirkelgen taksı júrgizýshileri erikti negizde qatysady.