1 shildeden elimizde ishimdik qymbattaıdy
ASTANA. QazAqparat – 1 shildeden bastap elimizde ishimdik baǵasy qymbattaýy múmkin, dep habarlaıdy QazAqparat tilshisi.
Ashyq NQA portalynda Qarjy mınıstriniń bólshek saýdada ótkizý úshin araqqa qoıylatyn shekti baǵany kóterý týraly buıryǵynyń jobasy jarııalandy.
Oǵan saı, 1 shildeden bastap 30 qyrkúıekke deıingi aralyqta ishimdikterdiń bólshek saýdadaǵy eń tómengi quny bylaı belgilendi:
– araqtar, kúshtiligi joǵary lıker-araq buıymdarynyń bir lıtri – 1 980 teńge.
– konıak pen brendıdiń bir lıtri – 2 930 teńge.
Al 1 qazannan ishimdiktiń eń arzan baǵasy kelesideı bolmaq:
– araqtar, kúshtiligi joǵary lıker-araq buıymdarynyń bir lıtri – 2 100 teńge;
– konıak pen brendıdiń bir lıtri – 3 110 teńge.
Qarjy mınıstriniń buıryǵy 26 maýsymǵa deıin kópshilik talqylaýda bolady. Keıin qol qoıý úshin vedomstvo basshysyna joldanady. Sodan soń, ıaǵnı 1 shildeden kúshine enedi.
