1 shildeden bastap vaktsına týraly aqparat «Ashyq» jobasyna engizilmek
«Algorıtm talaptaryna sáıkes, Nur-Sultan qalasy áýejaıynyń ǵımaratyna jiberý jolaýshynyń mártebesin anyqtaý úshin onyń arnaýly QR-kodty skanerlep, kire beriste áýejaı qyzmetkerine nátıjeni kórsetken kezde ǵana júzege asyrylady. Jolaýshylardyń mártbesi «PTR-zertteýiniń biryńǵaı yqpaldastyrylǵan portaly» jáne «QR DSM COVID-19 baqylaý ortalyǵy» aqparattyq júıelerimen tekserý negizinde beriledi», - delingen Sanıtarlyq-epıdemıologııalyq baqylaý komıteti taratqan aqparatta.
Aıta keteıik, eger adam koronavırýstyń PTR synaǵynan ótip, oń nátıje alsa, «qyzyl» statýs beriledi. Mundaı statýs ıelerine úıde oqshaýlaný rejımin qatań saqtaý qajet. «Sary» belgi ınfektsııa juqtyrǵan adamdarmen baılanysqa túsken adamdarǵa taǵaıyndalady. Olarǵa azyq-túlik alýǵa nemese úı janyndaǵy dárihanaǵa shyǵýǵa ruqsat bar. Biraq basqa qoǵamdyq oryndarǵa barýǵa tyıym salynǵan. «Kók» tús – PTR test talap etilmeıtin jerlerde erkin júredi. «Jasyl» tús – erkin júre alatyn adam. Sondaı-aq, 1 shildeden bastap qosymsha arqyly adamnyń vaktsına qabyldaǵan-qabyldamaǵany da kórinedi.
