1 shildeden bastap prokýratýra organdaryna jumysqa qabyldaýǵa qoıylǵan moratorıı alynady - J.Asanov
«Bizdiń kadrlyq qyzmetke erteńgi kúnnen, 1 shildeden bastap jańa formatta qyzmetkerlerdi irikteýdi bastaýdy tapsyramyn. Erteń jergilikti jáne respýblıkalyq buqaralyq aqparat quraldarynda barlyq bos oryndarǵa aldaǵy konkýrstyń bastalatyndyǵy týraly jarııalaıyq. Zańda kórsetilgen gazettermen ǵana shektelip qalmaı áleýmettik jelilerge de arqa súıeý qajet. barlyq halyq bizdiń konkýrs bastaǵanymyzdy bilsin», - dedi QR Bas prokýrory.
Onyń aıtýynsha, jumysqa qabyldaý protsesi eki kezeńnen turady. Bastapqyda irikteý, odan keıin konkýrs ótkiziledi. Іrikteý kezeńinde kandıdat zań boıynsha test tapsyryp, medıtsınalyq jáne arnaıy tekserýden ótedi. Ekinshi kezeńde suhbattasý men taǵylymdama oryn alady. Taǵylymdama 10 kúnge sozylady. Dál osy taǵylymdama kezinde kandıdat óz erkimen 4 tapsyrmany oryndaýy tıis. Atap aıtqanda, óziniń ómirlik tájirıbesin sıpattap, esse jazýy, keıstik tapsyrmalardy sheshýi jáne psıhologııalyq zertteýden ótýi tıis.
