1 shildeden bastap ­Ózenmunaıgaz ben Embimunaıgaz derbes jumysyn bastaıdy - Lázzat Qıynov

ASTANA. 27 shilde. QazAqparat - «QazMunaıGaz» ulttyq kompanııasynyń basqarma tóraǵasy Lázzat Qıynov Elbasy Nursultan Nazarbaevqa kompanııa qyzmetindegi perspektıvalyq baǵyttar týraly baıandady.

QR Prezıdenti baspasóz qyzmetiniń habarlaýynsha, «QazMunaıGaz» basshysy 1 shildeden bastap, holdınginiń qurylymdyq bólimsheleri ­-­ ­Ózenmunaıgaz ben Embimunaıgaz derbes zańdy tulǵa retinde jumysyn bastaıtynyn málimdedi.

- Osylaısha bul munaı kompanııalarynyń jumysshylary barlyq óz máselelerin ózdiginen sheshe alatyn bolady. Bul áleýmettik salany damytýǵa jáne óndiristiń tıimdiligin arttyrýǵa oń yqpal etedi. Biz kompanııanyń óndiristik qyzmeti júzege asyratyn, eldi mekenderdi damytýdyń áleýmettik qyrlaryna erekshe kóńil bólemiz. Sońǵy ýaqytta bizdiń tarapymyzdan Jańaózen men Qarajanbasta eki myń adam jumysqa ornalastyryldy, - dedi L.Qıynov.

2011 jyly shoǵyrlandyrylǵan munaı men gaz kondensatyn óndirý 21,1 mıllıon tonnany qurady. 2012 jyly 21,9 mıllıon tonna óndirý josparlanǵan.

Memleket basshysy kezdesýdiń qorytyndysy boıynsha «QazMunaıGaz» UK» AQ basqarma tóraǵasynyń aldyna birqatar mindet qoıyp, naqty tapsyrma berdi.