1 shildeden bastap mototsıkl dýlyǵasyn durys kımegeni úshin aıyppul salynady
ASTANA. QazAqparat - 1 shildeden bastap Vetnam joldarynda mototsıkl dýlyǵasyn durys kımegeni úshin aıyppul engiziledi. Jol polıtsııasy qyzmetkerleri belgilengen úlgige saı kelmeıtin jáne qozǵalys kezinde júrgizýshiniń basynan dýlyǵany julyp alýǵa múmkindik bermeıtin baýy bolmaı qalǵan bas kıimder úshin aıyppul tólenetinin túsindirdi.
Bul talapty buzǵan júrgizýshilerge aıyppul salynyp, ýaqytsha mototsıklinen aıyrady. Aıyppul quny 200 myń vetnamdyq dong (10 dollarǵa jýyq). Aıta keteıik, vetnamdyqtardyń aılyq jalaqysy shamamen 2 mln. dongty quraıdy.
Polıtseılerdiń aıtýynsha, bul aıyppuldyń jańa túri adamdardyń óz qaýipsizdigin qamtamasyz etýge kóńil bólýi maqsatynda engizildi. Jol-kólik oqıǵasynan kóbinese vetnamdyqtardyń eń kóp júrgizetin kóligine aınalǵan mototsıklderdiń ıeleri ushyraıdy.
