1 shildeden bastap memlekettik organdardyń jumysynda ne ózgeredi

ShYMKENT. QazAqparat - 1 shildeden bastap kúshine enetin jańa Ákimshilik rásimdik-protsestik kodekstiń basty normalary jaıynda Shymkent qalasyna saparmen kelgen Memleket basshysynyń kómekshisi – QR Prezıdenti Ákimshiligi ótinishterdi qaraýdy baqylaý bóliminiń meńgerýshisi Tamara Dúısenova qala aktıvimen bolǵan kezdesýde aıtty. QazAqparat bul týraly shahar ákimdiginiń baspasóz qyzmetine silteme jasap habarlaıdy.

«1 shildeden bastap birinshiden, «e-Ótinish» aqparattyq júıesi arqyly ótinishter qabyldaıtyn biryńǵaı arna iske qosylady. Tipti, «Qazposhtamen» qaǵaz júzinde joldanǵan ótinishterdiń ózi tsıfrlyq formatqa aýystyrylyp, elektrondy túrde tirkeledi. Osylaısha, «e-Ótinish» júıesi ótinishterdi qaraýdyń búkil tarıhy saqtalatyn birtutas bazaǵa aınalady. Bul barlyq memlekettik jáne sot organdaryna, sonymen qatar ótinish berýshilerge qoljetimdi júıe bolady», - deıdi T.Dúısenova.

Ekinshiden, memlekettik organdar ótinishterdi burynǵy qabyldanǵan sheshimder men berilgen jaýaptardy eskere otyryp qaraıdy.

Úshinshiden, árbir qaralǵan aryz-ótinishke memlekettik organda ákimshilik is ashylady. Onyń talaptary men sharttary Kodekste naqty kórsetilgen. Eger aryz ıesiniń talaby qanaǵattandyrylmaıtyn bolsa, onda memlekettik organ mindetti túrde aryz ıesin qabyldap, oǵan túsinikteme beredi nemese zańdarda kórsetilgen sheshý joldaryn túsindiredi.

Aryz ıesi ol jaýapqa da qanaǵattanbasa, memlekettik organnyń nemese memlekettik qyzmetkerdiń ústinen sotqa shaǵymdanýǵa quqyly.

Tórtinshiden, jańa tásildiń qazirgi júıeden ereksheligi – endi memlekettik organnyń jaýabyna shaǵymdaný jańa tásilmen júredi, berilgen jaýaptyń nemese sheshimniń durystyǵyn jaýapty memlekettik organ dáleldeıtin bolady. ıAǵnı aryz ıesi tek talap-aryzyn ǵana sotqa jetkizedi.

Jańa Kodekste memlekettik organnyń azamattar aldyndaǵy jaýapkershiligi kúsheıtilip otyr.