1 shildeden bastap kómekpen qamtylǵan otbasylar gazdy tómen baǵamen alady
«Memleket basshysynyń gaz baǵasyn belgileý modelin jetildirý boıynsha tásilderdi ázirleý jónindegi tapsyrmasy aıasynda Tabıǵı monopolııalardy retteý komıteti tutynýshylardyń jeke toǵyzynshy tobyn bólý boıynsha jumys júrgizýde. Bul sanatqa «memlekettik ataýly áleýmettik kómek pen turǵyn úı kómegin alatyn turmystyq tutynýshylar kiredi. Bul jumys qoǵamdyq mańyzy bar naryqtarda baǵa belgileý qaǵıdalaryna ózgerister men tolyqtyrýlar engizý arqyly júzege asty», - dep jazdy vedomstvodan.
Nátıjesinde, bıylǵy 1 sáýirden bastap pılottyq joba aıasynda Taraz jáne Oral qalalarynda joǵaryda atalǵan toptyń azamattary taýarlyq gazdy 20 %-ǵa tómendetilgen baǵamen alýda, al bul 3 myńnan astam tutynýshyny qamtıdy.
«Sonymen qatar 1 shildeden bastap memlekettik ataýly áleýmettik kómek pen turǵyn úı kómegin alatyn tutynýshylar sanatyna jatatyn otbasylardyń eldiń barlyq gazdandyrylǵan óńirinde tómendetilgen baǵamen gaz alý múmkindigi bolady. Gazǵa tómendetilgen baǵany alý úshin tutynýshy Egov.kz. portalyndaǵy AÁK jáne turǵyn úı kómegin alýshy retindegi óziniń mártebesine kóz jetkizýi qajet», - dep atap ótken mınıstrlik habarlamasynda.
