1 shildeden bastap ishki ister organdarynda jalaqy qalaı kóteriledi
NUR-SULTAN. QazAqparat - 2019 jyldyń 1 shildesinen ishki ister organdary qyzmetkerleriniń jalaqysy kóteriledi. Bul týraly búgin Іshki ister organdarynyń qyzmetkerlerin kásibı merekelerimen quttyqtaǵan QR Іshki ister mınıstri Erlan Turǵymbaev aıtty, dep habarlaıdy QazAqparat tilshisi.
«Bıyl 1 shildeden bastap patrýldik polıtsııa qyzmetkerleriniń jalaqysy 65 paıyzǵa, jedel-tergeý quramy qyzmetkerleriniń jalaqysy 55 paıyzǵa, ýchaskelik ınspektorlar men kámeletke tolmaǵandar isi jónindegi ınspektorlardyń jalaqysy 25 paıyzǵa, qalǵan qyzmet ókilderiniń jalaqysy 20 paıyzǵa artatyn bolady», - dedi ol.
Onyń atap ótýinshe, turǵyn úı ótemaqysyn alýǵa quqyǵy bar qyzmetkerler sanatynyń tizilimi de keńeıtiledi. Buǵan deıin mundaı jeńildikti 6 myń qyzmetkerler alsa, aldaǵy ýaqytta olardyń sany 15,5 myńǵa jetedi.
«150 myń qyzmetkeri men áskerı qyzmetshisi bar Іshki ister mınıstrligi eń iri ári qyzmet salasy kóp memlekettik organ sanalady. Biz baspanaǵa ótemaqyny birtindep, biraq barlyǵy alýyn josparlap otyrmyz. Bizdiń qatarymyzda óz isine berilgen adamdar qyzmet etedi», - dedi E.Turǵymbaev.
