1 shildeden bastap apellıatsııada isti qaraýdyń jańa tártibi engiziledi
ASTANA. QazAqparat –Osy jyldyń 1 shildesinen bastap apellıatsııada isti qaraýdyń jańa tártibi iske qosylady. Bul týraly Memlekettik aıyptaýshylar forýmynda Bas prokýror Berik Asylov aıtty, dep habarlaıdy QazAqparat tilshisi.
«Eń aldymen kadr tapshylyǵy bar. Respýblıka boıynsha negizgi júkteme aýdandyq býyndaǵy prokýrorlarǵa túsedi. Sot protsesteriniń 90 paıyzy olardyń qatysýmen ótedi. Keıbir óńirde 2-3 sýdıaǵa bir memlekettik aıyptaýshydan keledi. Buǵan qoska, alqabıler soty qaraıtyn ister tizilimi keńeıip keledi. 1 shildeden bastap apellıatsııada isti qaraýdyń jańa tártibi iske qosylady. Memlekettik aıyptaýshyǵa júkteme arta túsetin bolady», - dedi Berik Asylov.
Bas prokýrordyń paıymynsha, bul problemany protsessýaldyq prokýrorlar shtatyn arttyrý sheshe alar edi.
«Biz bul ınstıtýtty qalyptastyrdyq. Olar shýly ári rezonansty isterge qatysý arqyly ózderiniń tıimdiligin kórsetti», - dedi ol.
