1 shildede temeki qymbattaıdy

ASTANA. QazAqparat – 1 shildeden bastap temeki baǵasy qymbattaıdy. Bul týraly «Ashyq» NQA portalynda jarııalanǵan Qarjy mınıstriniń buıyryq-jobasynda jazylǵan, dep habarlaıdy QazAqparat.

«20 fıltrli, fıltrsiz sıgaretke, papırostarǵa, sıgarıllalar men qyzdyrylatyn temekisi bar buıymdarǵa:

- 2023 jylǵy 1 shildeden bastap 2023 jylǵy 31 jeltoqsandy qosa alǵanǵa deıin 710 teńge;

- 2024 jylǵy 1 qańtardan bastap 770 teńge mólsherinde eń tómengi bólshek saýda baǵalary belgilensin», - delingen buıyryq-jobasynda.

Mınıstrlik túsindirmesine saı, temeki ónimderiniń bólshek saýdadaǵy shekti baǵalarynyń ósýine mynalar sebep:

- 2023-2024 jyldary aktsız mólsherlemesi 14% kóterildi;

- ımporttalatyn shıkizat pen materıaldardyń quny orta eseppen 20% ósti;

- temeki ónimderiniń shıkizaty men komponentteriniń logıstıkasy edáýir kúrdelendi;

- 2022 jyly ınflıatsııa 20,3% qurady.

Qujat 19 mamyrǵa deıin kópshilik talqylaýda bolady.