1 shildede qyzmetke kirisken áleýmettik ınspektorlar qalaı jumys istep jatyr
QR Áleýmettik kodeksiniń kúshine enýimen osy jyldyń 1 shildesinde elimizde quzyretine múgedektigi bar adamdardy áleýmettik qorǵaý, arnaýly áleýmettik qyzmetter kórsetý jáne áleýmettik qamsyzdandyrý salasyndaǵy zańnamanyń saqtalýyn baqylaýdy júzege asyrý kiretin memlekettik áleýmettik qorǵaý ınspektorlary ınstıtýty engizildi. Bir aı ishinde áleýmettik ınspektorlar 53 tekserý júrgizdi, onyń 40-y jospardan tys jáne 13-i profılaktıkalyq baqylaý sheńberinde boldy.
Memlekettik baqylaýmen: 12 mektep, jergilikti atqarýshy organdardyń 6 aýdandyq bólimi jáne jergilikti atqarýshy organdardyń oblystyq basqarmalary, 6 ákimdik, 5 dúken, 3 saýda ortalyǵy, 3 medıtsınalyq-áleýmettik mekeme, 2 aýrýhana, 2 bank bólimshesi, 2 Qazposhta bólimshesi, 1 fıtnes-klýb, 1 sanatorıı, 1 ýnıversıtet jáne t. b. qamtyldy.
Máselen, Qyzylorda oblysy boıynsha Eńbek jáne áleýmettik qorǵaý komıtetiniń departamenti Shıeli aýdandyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń qyzmetine profılaktıkalyq baqylaý júrgizdi, onyń nátıjeleri boıynsha múgedektigi bar 7 balany protezdik-ortopedııalyq kómekpen ýaqtyly qamtamasyz etpeý faktileri anyqtaldy.
Atalǵan faktiler boıynsha bólim basshysyna anyqtalǵan buzýshylyqtardy joıý týraly nusqama berildi. Profılaktıkalyq baqylaý sharalarynyń nátıjesinde múgedektigi bar 7 balanyń quqyǵy qorǵaldy.
Shyǵys Qazaqstan oblysy boıynsha Eńbek jáne áleýmettik qorǵaý komıtetiniń departamenti shaǵym negizinde Shyǵys Qazaqstan oblysy advokattar alqasy ornalasqan ǵımaratqa jospardan tys tekserý júrgizdi. Nátıjesinde pandýstyń, taktıldi baǵyttaǵyshtardyń jáne múgedektigi bar adamdar úshin arnaıy kórsetkishterdiń bolmaýy sekildi buzýshylyqtar anyqtaldy.
Tekserý nátıjeleri boıynsha ShQO Advokattar alqasynyń basshysyna anyqtalǵan buzýshylyqtardy joıý týraly nusqama berildi jáne ákimshilik aıyppul salyndy.
Sonymen qatar memlekettik áleýmettik ınspektorlar ınstıtýty engizilgenge deıin QR EHÁQM Eńbek jáne áleýmettik qorǵaý komıtetiniń aýmaqtyq departamentteri 2023 jyldyń 1 jartyjyldyǵynda 750 tekserý júrgizdi, anyqtalǵan buzýshylyqtardy joıý týraly 533 uıǵarym berildi, 44 mln teńgeden astam somaǵa 233 aıyppul salyndy.
2023 jyldyń 1 shildesinen bastap áleýmettik ınspektorlardy engizý halyqtyń áleýmettik osal sanattarynyń quqyqtaryn ýaqtyly qorǵap qana qoımaı, múgedektigi bar adamdardyń ómir súrý sapasyn arttyrýǵa da yqpal etpek
