1 shildede Qazaqstannyń basym bóliginde aptap ystyq saqtalady
ASTANA. QazAqparat - Qazaqstannyń kóptegen aımaqtarynda aýa raıy ashyq bolady, respýblıkanyń batys, soltústik-batys, soltústigi men shyǵysynyń keı jerlerinde ǵana jańbyr jaýyp, naızaǵaı oınaıdy, kúndiz eldiń keı jerlerinde burshaq jaýýy, respýblıkanyń ońtústik-batysynyń keı jerlerinde shańdy daýyl kóterilýi múmkin, dep habarlady Tótenshe jaǵdaılar mınıstrligi «Qazgıdrometke» silteme jasap.
Shyǵys Qazaqstan oblysynyń keı jerlerinde kúndiz burshaq jaýýy múmkin.
Qostanaı oblysynda, kúndiz Batys Qazaqstan, Atyraý, Aqtóbe, Soltústik-Qazaqstan oblystarynyń keı jerlerinde jel 15-20 m/s-qa deıin kúsheıedi.
Mańǵystaý oblysynyń keı jerlerinde kúndiz shańdy daýyl kóterilip,jel 15-20 m/s-qa deıin kúsheıedi.
Almaty, Jambyl, Ońtústik Qazaqstan, Aqmola, Soltústik Qazaqstan, Pavlodar, Shyǵys Qazaqstan oblystarynda, Batys Qazaqstan oblysynyń keı jerlerinde aptap ystyq bolady, Qyzylorda, Mańǵystaý, Aqtóbe, Qostanaı, Qaraǵandy oblystarynda aýanyń temperatýrasy qatty ysıdy.
Atyraý oblysynda óte kúshti ystyq bolýy kútiledi.
Atyraý, Qyzylorda, Aqtóbe, Ońtústik Qazaqstan oblystarynyń basym bóliginde, Batys Qazaqstan, Qaraǵandy, Almaty, Jambyl oblystarynyń keı jerlerinde óte joǵary órt qaýpi saqtalady.
