1 shildede Qazaqstandaǵy halyq sany 18,5 mln adamǵa jetti
NUR-SULTAN. QazAqparat - 2019 jyldyń 1 shilde aıynda Qazaqstanda halyq sany 18 mln 507,9 myń adam boldy. Bul ótken jyldyń 1 maýsymymen salystyrǵanda 235,5 myń adamǵa kóp nemese 1,3 paıyzǵa ósken, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Atap aıtqanda, eseptik kezeńde qala turǵyndarynyń sany 10 mln 816,6 myń adam nemese 58,2%, al aýyl halqynyń sany 7 mln 726,3 myń adam nemese 41,8% boldy.
Osy jyldyń qańtar-maýsym aılarynda ótken jyldyń qańtar-maýsym aılarymen salystyrǵanda Qazaqstanǵa qonys aýdarǵandar sany 11,3% azaıǵan, al elden ketkender sany 16,9% artty. Eldiń negizgi mıgratsııalyq kóshi-qon TMD elderine tıesili. TMD elderinen kelgenderdiń úlesi 82% jáne atalǵan memleketterge ketkender sany 90,6% boldy.
Eldiń aýmaǵynda qonys aýdarǵandar sany 22,7% artty. Óńiraralyq qonys aýdarý boıynsha halyq mıgratsııasynyń oń saldosy eldiń tórt óńirine keldi. Olardyń qatarynda Mańǵystaý oblysynda (556 adam) jáne Shymkent (3 710), Almaty (13 650), Nur-Sultan (14 104) qalalary bar.
