1 shildede ishki naryqqa arnalǵan suıytylǵan munaı gazy qymbattaıdy

ASTANA. QazAqparat – Taýar bırjalarynan tys ótkiziletin ishki naryqqa arnalǵan suıytylǵan munaı gazynyń baǵasy ósedi, dep habarlaıdy QazAqparat tilshisi.

«Qazaqstannyń ishki naryǵyna suıytylǵan munaı gazyn berý jospary sheńberinde taýar bırjalarynan tys ótkiziletin suıytylǵan munaı gazynyń 2023 jylǵy 1 shildeden bastap 2024 jyldyń 30 maýsymyn qosa alǵandaǵy kezeńge arnalǵan shekti baǵasy qosylǵan qun salyǵyn esepke almaǵanda, bir tonnasy úshin 40 320 teńge mólsherinde bekitilsin», - delingen «Ashyq» NQA portalynda jarııalanǵan Energetıka mınıstriniń buıryq-jobasynda.

Aıta keteıik, suıytylǵan munaı gazynyń búgingi shekti baǵasy tonnasy úshin - 33 600 teńge.

Buıryq-jobasy 30 mamyrǵa deıin kópshilik talqylaýda bolady. Keıin, ıaǵnı 1 shildeden bastap kúshine enedi.