1 shilde kúni «KAZsport» memlekettik tuńǵysh sport telearnasynyń saltanatty ashylý rásimi ótedi
ASTANA. 27 maýsym. QazAqparat - 1 shilde kúni «QazMedıa» Ortalyǵynda «KAZsport» memlekettik tuńǵysh sport telearnasynyń saltanatty ashylý rásimi ótedi. Bul týraly «Qazaqstan» RTRK» AQ baspasóz hatshysy Tanakóz Іlııasova habarlady.
Merekege belgili qazaqstandyq sportshylar, Olımpıada oıyndarynyń chempıondary, halyqaralyq jáne respýblıkalyq sport jarystarynyń jeńimpazdary, sport ardagerleri t.b. qatysady.
Jańa sport arnasy «Mádenıet», «Balapan» jáne 14 aımaqtyq telearnalar toptasqan «Qazaqstan» RTRK» AQ quramyna enedi. Árıne bul elimizdiń barlyq aımaqtarynan tikeleı efırde habar taratýǵa múmkindik beredi. «KAZsport» telearnasyn «Otaý TV» ulttyq jerseriktik teleradıohabar tartaý jelisi men kabeldik júıede habar taratatyn operatorlar arqyly kórýge bolady.
«KAZsport» telearnasynda taralatyn jalpy habarlardyń 70 %-y tikeleı jáne túpnusqa translıatsııalardan turady. Olardyń negizgisi elimizde keń etek jaıǵan sport túrlerinen ótetin ishki chempıonattar men halyqaralyq bedeldi básekeler bolmaq. Telekórsetilimder qazaq jáne orys tilderinde júrgiziledi. Jalpy habarlardyń 20%-n jańalyqtar men baǵdarlamalar, al 10 %-n derekti fılmder quraıdy.
