«1 shilde avtomobılshiler kúnine aınalatyn tárizdi» -respýblıkalyq basylymdarǵa sholý
***
«Egemen Qazaqstan» gazetiniń búgingi sanynda «Áıelge - qurmet, jasqa úmit» degen taqyryppen maqala basyldy. Maqalaǵa keshe Astanadaǵy Táýelsizdik saraıynda bastalǵan 7-shi Búkilálemdik Islam ekonomıkalyq forýmynda kóterilgen máseleler arqaý bolǵan. Basylymnyń jazýynsha, bul forýmnyń osyǵan deıingilerinen aıyrmashylyǵy birden sezildi. Plenarlyq otyrys Qasıetti Quran Kárimniń oqylýymen ashyldy. Alqaly jıynda kóterilgen aýqymdy máseleler jóninde joǵarydaǵy maqalada egjeı-tegjeıli jazylǵan.
Sondaı-aq atalmysh basylymnyń búgingi sanynda Týrızm jáne sport mınıstri Talǵat Ermegııaevtiń «Buqaralyq sport- ult densaýlyǵynyń kepili» atty maqalasy jarııalandy. Onda jańa mınıstr óziniń sportty damytý men oǵan qatysty eldegi jaǵdaıda baıandaı kele: «Qazir halyqtyń basym bóligi sportpen shuǵyldanýǵa nemquraıdy qaraıtyny jasyryn emes. Densaýlyqqa asa zııandy shylym men ishimdikten qutyla almaı júrgender, aryqtaımyn dep neshe túrli dárisymaqty paıdalanatyn adamdar bar. Sonyń bárinen arylý úshin dene shynyqtyrý, sport jáne týrızm arqyly salamatty ómir saltyna bet burý - ómirdiń ózi aldymyzǵa kóldeneń tartyp otyrǵan kókeıtesti másele», - dep atap kórsetedi.
***
«Aıqyn» basylymynyń jazýynsha, búkil Eýropany jaılaǵan «kókónis vırýsy» áli de qart qurlyqtyń turǵyndaryn áýrege salyp otyrǵan jaıy bar. Endi she, búgingi kúnge deıin Eýropanyń 12 eline jaıylyp, 2200 adamǵa zardabyn tıgizgen ınfektsııany joıý úshin barlyq amal-sharalar qoldanylyp jatyr.Óıtkeni Germanııanyń 12, Shvetsııanyń 1 turǵynynyń ómirin jalmaǵan «kókónis vırýsy» basqa elderdi de alańdatyp otyr. Kóptegen memleketter ınfektsııanyń oshaǵy bolyp otyrǵan Germanııadan qııar jáne basqa da jemis-jıdekterdi ákelýge tyıym saldy. Qazirgi ýaqytta nemis fermerleri kókónis ónimderin ótkize almaı, shyǵynǵa batyp jatyr. Tómengi Saksonııa jeriniń aýyl sharýashylyǵy mınıstri Gert Lındeman saraptama zertteýden keıin «ınfektsııa oshaǵy» ıÝltsen aýdanynda ornalasqan fermerlik sharýashylyqtardan shyǵýy múmkin degen boljam jasap otyr. Maqala «Qazaqstanǵa qaýip joq» degen taqyryppen berilgen.
«Kólsaıdyń kólderine baratyn jol joq». «Aıqyn» gazetinde osyndaı taqyryppen jarııalanǵan maqalada «Kólsaı kólderi» Ulttyq memlekettik tabıǵı parkiniń saıabaǵynyń burynǵy dırektory Jambyl Myqıtanov qyzmet barysynda birqatar zań buzýshylyqtarǵa jol bergeni úshin jaýapqa tartylyp, jumysynan qýylǵandyǵy aıtylady. Endi park basshylyǵyna kelgen jańa adamdar saıabaqty damytýdyń jańa baǵyttaryn qolǵa alýda. Endigi jerde «Kólsaı kólderi» parkiniń qyzmetkerleri jergilikti eldimekenderdiń turǵyndary jáne birqatar týrıstik kompanııalardyń basshylyǵymen birlesip, tabıǵı qoryqqa qazaqstandyq jáne sheteldik týrısterdi tartý baǵytynda tyǵyz jumys istemek. Kólsaı kólderine týrısterdi jappaı tartý úshin ulttyq park qyzmetkerleri óz kúshimen kıiz úıler tigip, qazaq aýylyn quryp qoımaq. Qazaqtyń besbarmaǵy men qymyzyn quıyp, sheteldikterge ekzotıkalyq ulttyq as usyna alady. Biraq qonaq úılerge aparatyn asfaltty joldar salýǵa - olardyń shamasy kelmeıdi.
***
«Alash aınasy» basylymy búgingi sanynda «1 shilde avtomobılshiler kúnine aınalatyn tárizdi» degen taqyryppen maqala basty.Maqalaǵa byltyrǵy 1 shildede engizilgen jeńildetilgen keden tarıfiniń merzimi aıaqtalýǵa taıap qalýyna baılanysty avtokólik naryǵyndaǵy qalyptasqan jaǵdaı arqaý bolǵan. «Qazir eldegi avtokólik naryǵynda - naǵyz dúrbeleń. Bir qyzyǵy, osyndaı dúrligý Birkken Arab Ámirlikteri naryǵynda da oryn alǵan kórinedi. Jergilikti saýdany qyzdyrǵan - qazaqstandyqtar men belorýstar. Bárin «sońǵy kúnge» qaldyratyn bizdiń adamdardyń ádetimen sońǵy bir-eki aıda máshıne jetkizip alǵysy keletinder birshama kóbeıgen. Kóligin jetkize almaı, mysy quryǵandar da barshyly. Bul máselemen tereńirek tanysqyńyz kelse, gazettiń búgingi sanyn jiberip almańyz.
Sondaı-aq atalmysh basylymnyń jazýynsha, kúni keshe Bilim jáne ǵylym mınıstri Baqytjan Jumaǵulov: «Jyl ótken saıyn kópshiliktiń UBT-ǵa senimi ulǵaıyp keledi»,-dep málimdeme jasaǵan bolatyn. «Alaıda búginde el arasynda «UBT-nyń jaýaptary satylatyndyǵy, óz bilimine sengen oqýshy az ball jınap, 11 jyl boıynsha oqýlyq betin ashpaǵan balanyń 100-den asa ball jınap jatqany» jónindegi áńgimeler jeldeı estip tur. Al buǵan qarap, UBT ulttyń senimine laıyq dep aıta alamyz ba?! Alǵashynda kósh júre túzeledi dep, UBT-nyń ýaqyt óte kem-ketikteriniń túgendelip, zańsyzdyqtardyń tyıylatynyna úmittengenbiz. Alaıda túlekterge arnalǵan synaqtaǵy zańsyzdyqtar jyl ótken saıyn damyp, jańasha sıpat alyp, tipti testiniń durys jaýaptary aqshasy bar kez-kelgenniń qaltasynda júrýge aınalǵandaı»,-dep jazady basylym. Maqala «UBT mınıstrdi uıatqa qaldyrdy» degen taqyryppen berilgen.
***
«Kazahstanskaıa pravda» basylymy búgingi sanynda «Avtopromyshlennyı klaster bidet na vostoke» aty maqala jarııalady. Onda aldaǵy jyldary kólik shyǵarý elimizdiń shyǵysynda ekonomıkanyń basym baǵytyna aınalatyndyǵy týraly jazylǵan. «Búginde bul aımaq túrli-tústi matallýrgııa ortalyǵy retinde tanymal. Endi shyǵys óńir respýblıkaǵa mashınaqurylysy salasyndaǵy jetistikterimen de tanyla túspek. Qazirgi tańda bul aımaqta ondaǵan mashına qurastyratyn kásiporyndar bar. Olardyń birqatary eldegi eń iri nemese jalǵyz ǵana osy saladaǵy ónim óndirýshiler bolyp tabylady», -delingen maqalada.
