1 sáýirden bastap Jambyl oblysyndaǵy Kúıik asýynda kólik qozǵalysyna shekteý qoıylady
TARAZ. KAZINFORM – 1 sáýirden bastap respýblıkalyq mańyzy bar «Tashkent - Shymkent - Taraz - Almaty - Qorǵas» avtojolynyń 546-557 shaqyrymy, ıaǵnı, eski Kúıik asýynda kólik qozǵalysyna shekteý qoıylady. Bul jol Jambyl oblysynyń Jambyl jáne Jýaly aýdandary arqyly ótedi.
«1970 jyldary salynǵannan beri atalmysh joldyń bul ýchaskesinde qaıta nemese kúrdeli jóndeý jumystary júrgizilmegen. Jol júrgeni úshin osy ýchaskede aqy alynbaıdy. Avtokólikterdiń qaýipsizdigi men turaqty qozǵalysyn qamtamasyz etý maqsatynda, sondaı-aq tehnıkalyq sıpattamalardy jaqsartý úshin 2023 jyldyń jeltoqsan aıynda jalpy uzyndyǵy 12,3 km bolatyn osy ýchaskede kúrdeli jóndeý jumystaryn júrgizýge kelisimshart jasaldy. Atalǵan jumysty júzege asyrý 2024-2025 jyldarǵa josparlanǵan. Sol úshin 1 sáýirden bastap qurylys jumystaryn uıymdastyrý úshin osy aýmaqta kólik qozǵalysyna shekteý engiziledi. Kólik aǵynynyń barlyq túrleri úshin Kúıik asýy arqyly jańadan salynǵan aınalma jol arqyly qozǵalysty uıymdastyrý josparlanǵan», – dep habarlady «QazAvtojol» kompanııasy.
Qazirgi tańda jol jóndeý úshin daıyndyq jumystary bastaldy.
