1 sáýirge deıin JEO men jylý jelilerine aýdıt júrgizý aıaqtalady

ASTANA. QazAqparat – QR Premer-Mınıstriniń birinshi orynbasary Roman Sklıar Energetıka mınıstrligine jylý elektr ortalyqtary men jylý jelilerine aýdıt júrgizýdi 1 sáýirge deıin aıaqtaýdy tapsyrdy, dep habarlaıdy QazAqparat tilshisi.

«Energetıka salasyndaǵy mańyzdy mindetterdiń biri - jylýmen jabdyqtaý máselesi. Jylý elektr ortalyqtarynyń tozýynan Ekibastuz, Rıdder jáne Rýdnyı qalalarynda ne bolǵanyn bilesizder. Problema áli de biraz qalada bar jáne ol jyldar boıy jınaqtalǵan. Jylý elektr ortalyqtarynyń tozýy 60%-ǵa jetse, al jylý jelileriniń 70%-ǵa jýyǵy tozǵan. Ókinishke qaraı, ákimderdiń barlyǵy birdeı jaǵdaıdan habary bolmady, áreket jasamady. ıAǵnı Úkimetke ýaqytynda dabyl qaqpady, sońy nemen aıaqtalǵany barshaǵa aıan», - dedi Roman Sklıar Energetıka mınıstrliktiń keńeıtilgen alqa otyrysynda.

Úkimet basshysy orynbasarynyń aıtýynsha, Energetıka mınıstrligi bıyl 1 sáýirge deıin barlyq jylý elektr ortalyqtary men jyl jelileriniń aýdıtin aıaqtaýy kerek.

«Obektilerdiń tehnıkalyq jaǵdaıyn qaıta qarap, qaısysy birinshi kezekte jóndeýdi qajet etetinin kórsetýi kerek. Aýdıt qorytyndylary men odan ári is-qımyldardy energetıkalyq keńestiń otyrysynda qarastyramyz. Tozý problemalaryn sheshýmen qatar, jańa jylý elektr ortalyqtaryn salýmen qatar aınalysamyz. Bıyl Astanada JEO-3 qurylysyn aıaqtaý jáne almatylyq eki JEO-ny gazǵa aýystyrýdy mańyzdy. Sondaı-aq, Qyzylorda, Kókshetaý jáne Semeı qalalarynda JEO salý boıynsha ınvestorlarmen tıisti jumys júrgizý qajet», - deıdi ol.