1 sáýirden beri reseılikter 93 myńnan astam JSN rásimdegen
ASTANA. QazAqparat – 1 sáýirden beri reseılikter 93 045 jeke sáıkestendirý nómirin rásimdegen. ІІM Kóshi-qon komıteti tóraǵasynyń mindetin atqarýshy Aslan Atalyqov ortalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat tilshisi.
«1 sáýirden beri reseılikter 93 045 JSN alǵan. Al yqtııarhatty sol aralyqta 4 271 reseılik rásimdegen. Onyń ishinde 116-sy - etnıkalyq qandasymyz. Yqtııarhat alýdyń erekshe tártibi bar ekenin biletin shyǵarsyzdar. Onyń árqaısysy ózderiniń tólem qabiletin dáleldedi. Bul – 1320 AEK kóleminde, ıaǵnı 4 mln teńgeden astam degen sóz», - dedi komıtet basshysy.
Sondaı-aq, ol Qazaqstan azamattyǵyn alýǵa nıetti sheteldikterdiń sanyn aıtty.
«Al azamattyq rásimdeýge 441 tulǵa ótinish berdi. Onyń 117-si - Reseıden kelgen etnıkalyq qazaq», - dedi Aslan Atalyqov.
