1 sáýirden bastap Mańǵystaýǵa keletin jolaýshy poıyzdary toqtaıdy

20 naýryzdan bastap Nur-Sultan jáne Almaty qalalarynda karantın engizilýine baılanysty, «Mańǵyshlaq – Nur-Sultan» baǵytyndaǵy poıyzdyń sońǵy beketi bolyp Atbasar belgilense, «Mańǵyshlaq – Almaty» baǵytyndaǵy jolaýshylar poıyzy tek Shý beketine deıin júrdi. Atalǵan baǵyttar 30 naýryz kúni jolaýshylardy tasýdy toqtatty.
Sondaı-aq, jergilikti Mańǵystaý – Beıneý baǵytyndaǵy poıyz da 30 naýryz kúni sońǵy ret jóneltildi. Aıta keteıik, erteńnen bastap Mańǵystaýdan Atyraý, Aqtóbe qalalaryna qatynaıtyn barlyq poıyz toqtaıdy.
Óz kezeginde Alma Aıymqulova tótenshe jaǵdaı aıasynda vokzaldyń jumys isteý tártibin, saqtyq sharalaryn aıtyp ótti. Kelip-ketýshi jolaýshylardyń barlyǵyn epıdemıologtar arnaıy quralmen, teplovızormen tekseredi.
«Osy kúnge deıin vokzalda koronavırýs ınfektsııasy anyqtalǵan joq. Qyzmetkerlerimiz ben jolaýshylardyń qaýipsizdigi tıisti mamandardyń jiti baqylaýynda», - dedi Alma Aıymqulova.