1 sáýirde jeke zeınetaqy qorlarynyń aktıvterin BJZQ-ǵa berý aıaqtalady - Q.Kelimbetov
ASTANA. QazAqparat - Aǵymdaǵy jyldyń 1 sáýirinde jeke zeınetaqy qorlarynyń aktıvteri men mindettemelerin Biryńǵaı jınaqtaýshy zeınetaqy qoryna berý aıaqtalady. Bul týraly «KTK» telearnasynyń «Halyq qyzmetshisi» baǵdarlamasynda qonaqta bolǵan QR Ulttyq bankiniń tóraǵasy Qaırat Kelimbetov málim etti.
«Biz 1 sáýirde jeke zeınetaqy qorlarynyń aktıvteri men mindettemelerin Biryńǵaı jınaqtaýshy zeınetaqy qoryna berýdi aıaqtaımyz. Bul da tolyqtaı alǵanda eldiń qarjylyq turaqtylyǵyna aıtarlyqtaı yqpal etetin aqsha pýly bolmaq», - dedi ol.
Sonymen birge Ulttyq bank tóraǵasy Memleket basshysynyń tapsyrmasyna sáıkes, bank sektorynda problemaly nesıeler deńgeıin tómendetýge baǵyttalǵan arnaıy baǵdarlamanyń ázirlenetindigin atap ótti.
«Biz banktermen birlesip, eki jyldyń ishinde bul kólemdi 30-dan 10 paıyzǵa deıin tómendetýge tıistimiz», - dedi Q.Kelimbetov.
