1 sáýirde Qazaqstannyń basym bóliginde jaýyn-shashyn bolady
NUR-SULTAN. QazAqparat - 1 sáýirde Qazaqstannyń basym aýmaǵynda atmosferalyq frontaldy bólikterdiń ótýine baılanysty jaýyn-shashyn bolady. Ońtústik óńirde keı jerlerde nóser jaýyn jaýady, tek batysta aýa raıy jaýyn-shashynsyz bolady. Keı jerlerde tuman túsip, jel kúsheıedi.
Bul týraly «Qazgıdromet» RMK baspasóz qyzmeti habarlaıdy.
Jambyl oblysynyń keı jerlerinde tuman túsedi. Keı jerlerinde jel kúsheıip, jyldamdyǵy 15-20, ekpini 23-28 m/s-ǵa jetedi.
Túrkistan oblysynyń keı jerlerinde naızaǵaı oınap, tuman túsedi, burshaq jaýýy yqtımal. Keı jerlerinde jel kúsheıip, jyldamdyǵy 15-20, ekpini 23-28 m/s-ǵa jetedi.
Qyzylorda oblysynyń keı jerlerinde tuman túsip, naızaǵaı oınap, burshaq jaýýy yqtımal. Túnde jeldiń jyldamdyǵy 15-20, ekpini 25, kúndiz keı jerlerinde 15-20 m/s-ǵa kúsheıýi yqtımal.
Soltústik Qazaqstan oblysynyń keı jerlerinde tuman túsedi. túnde kóktaıǵaq bolyp, keı jerlerde jeldiń kúshi 15-20, kúndiz 15-20, ekpini 23 m/s-ǵa jetedi.
Mańǵystaý, Qostanaı, Qaraǵandy oblystarynyń keı jerlerinde tuman kútiledi, jeldiń jyldamdyǵy 15-20 m/s-ǵa deıin kúsheıedi.
Aqmola, túnde Pavlodar oblystarynyń keı jerlerinde tuman túsedi, kóktaıǵaq kútiledi.
Atyraý, Batys Qazaqstan oblystarynda, túnde jáne kúndiz Shyǵys Qazaqstan oblystarynda keı jerlerde tuman kútiledi.
Kúndiz Almaty oblysynyń keı jerlerinde jeldiń jyldamdyǵy 15-20 m/s-ǵa deıin kútiledi.
