«1 sáýirde búkil álem jańa valıýtaǵa aýysady» - feık

ASTANA. QazAqparat - Áleýmettik jelilerde osy jyldyń 1 sáýirinde búkil álem jańa valıýta – CBDC-ge kóshetini týraly jazylýda. Bul tsıfrlyq aqsha, al qolma-qol aqshaǵa tyıym salynady-mys. Buǵan qandaı da bir dálel bar ma? Stopfake.kz saıty anyqtady, dep habarlaıdy QazAqparat.

«CBDC – bul naqty valıýta emes, ár túrli elderdiń Ortalyq bankterine tıesili barlyq tsıfrlyq valıýtalardyń jalpy ataýy. ıAǵnı, ár elde basyp shyǵaratyn aqsha sekildi, tsıfrlyq valıýta da bolýy múmkin.
Búgingi tańda álemde CBDC toǵyz elde paıdalanylady.
Kóptegen basqa elder CBDC engizý múmkindigin áli zerttep jatyr nemese pılottyq jobalar ázirleýde. Alaıda, osy jyldyń birinshi sáýirinde CBDC engizilgeni týraly birde-bir el jarııalaǵan joq», - dep jazady Stopfake.
Anyqtalǵandaı, CBDC-di Qazaqstanda da engizý josparlanyp otyr. Elimizdiń Ulttyq banki tsıfrlyq teńgeni ıntegratsııalaý jobasyn ázirleýde.

«Alaıda, bul jumys áli aıaqtalǵan joq. Jospar boıynsha tsıfrlyq valıýtanyń tolyq ıntegratsııasy tek 2025 jyly júrgizilýi tıis.
Bul rette tsıfrlyq teńgeni engizý qolma-qol aqshany paıdalanýdyń kúshin joıýdy nemese oǵan tyıym salýdy bildirmeıdi. Ol qolma-qol aqshamen jáne qolma-qol aqshasyz tólemdermen qatar paıdalanylatyn bolady, bul týraly QR Ulttyq Banktiń saıtynda jazylǵan.
Osylaısha, 2023 jyldyń 1 sáýirinde álemde, naqtyraq aıtqanda, Qazaqstan jańa tsıfrlyq valıýtaǵa kóshedi degenge senýge negiz joq», - dep qorytyndy jasaldy.