1 sáýir kúngi aýa raıy boljamy

ASTANA. QazAqparat – 1 sáýir kúni Qazaqstannyń basym aýmaǵynda keń ári sýyq antıtsıklonnyń áserinen jaýyn-shashynsyz, salqyn kún raıy kútiledi.

Respýblıkanyń tek batysynda tsıklon jyrasynyń jáne atmosferalyq frontaldy bólikterdiń ótýine baılanysty jańbyr jaýady. Ońtústik-batysta qatty jańbyr, naızaǵaı boljanady. Taýly aýdandardyń ońtústik-shyǵysynda jańbyr men qar túrinde qatty jaýyn-shashyn túsýi yqtımal. Respýblıka boıynsha eldiń ońtústigi men ońtústik-batysynda ekpindi jel turyp, ońtústikte – shańdy daýyl, ońtústik-shyǵysta tuman bolady. QazAqparat bul týraly Qazgıdrometke silteme jasap habarlaıdy.

Jetisý oblysynyń taýly aýdandarynda qatty jaýyn-shashyn (jańbyr, qar), Batys Qazaqstan oblysynyń batysynda, ońtústigi men ortalyǵynda qatty jańbyr kútiledi.

Jetisý oblysynda, Almaty, Túrkistan, Jambyl oblystarynda 30 m/s jáne odan joǵary jyldamdyqta jel turady.