1 naýryzdan bastap munaıshylardyń jalaqysy ósedi - Aqtóbe oblysy
AQTÓBE. 22 aqpan. QazAqparat - Aǵymdaǵy jyldyń 1 naýryzynan bastap Aqtóbe oblysynyń munaı óndirý kompanııalary qyzmetkerleriniń jalaqysy ósedi.
Bul týraly búgin oblys ákimi Arhımed Muhambetov jer qoınaýyn paıdalanýshylarmen áriptestik boıynsha memorandýmǵa qol qoıý barysynda málim etti.
1 naýryzdan «SNSP Aqtóbemunaıgaz» AQ qyzmetkerleriniń jalaqysy 15 paıyzǵa kóteriledi. Ákimniń sózine qaraǵanda, naýryz aıynan «Uly qorǵan», «Shyǵys munaı jáne servıstik qyzmet», «KNISG» jáne taǵy da basqa kompanııalardyń aılyq jalaqysy kóteriledi.
«Komıssııa eńbek qatynasy boıynsha jumys istedi. Búgingi kúnde barlyq máseleler sheshilgen. Májiliske teń dárejede kásipodaqshylar men qyzmetkerler qatysty. Biz barlyq suraqtarǵa jaýap berip, máselelerdi sheshýge tyrystyq», - dedi ákim.
