1 naýryzda Qazaqstan halqynyń sany 16 mln. 718 myń adamǵa jetti

Bul jaıynda búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.

«Onyń ishinde qala halqy 9 mln. 141 myń adamdy nemese 54,7 paıyzdy, al aýyl turǵyndary 7 mln. 577 myń adamdy qurady»,-dedi agenttik basshysy.

Tóraǵanyń sózine qaraǵanda, jyl basymen salystyrǵanda halyq sany 43 myń adamǵa nemese 0,3 paıyzǵa artty. Onyń ishinde 40 myń adam tabıǵı ósimniń negizinde jáne 3 myńy kóshi-qon esebinen qosyldy.

«Qańtar-aqpanda 55 900 balanyń týylǵany tirkeldi, bul kórsetkish ótken jyldyń sáıkes kezeńine qaraǵanda 5,1  paıyzǵa artyq. Al osy aralyqta 25,6 myń adam qaıtys boldy. Bul óz kezeginde byltyrǵy qańtar-aqpanmen salystyrǵanda 4,1 paıyzǵa tómen», - dedi Á. Smaıylov.